Shqiptarët janë populli më diskriminues në Europë kundrejt të varfërve.
Sipas një raporti të Komisionit Europian vërehet se 33% e qytetarëve shqiptarë i përçmojnë njerëzit lidhur nga të ardhurat dhe statusi i punës. Ndërkohë që ky nivel është më i ulët në vendet e tjera të rajonit apo Europës.
Edhe pse shqiptarët janë një popull i varfër, ata janë më diskriminues ndaj personave me nivel të ulët të ardhurave.
Sipas një ankete të Komisionit Europian, rezulton se në Shqipëri 33% e qytetarëve janë përgjigjur se i shohin me përçmim njerëzit për shkak të situatës me punën dhe të ardhurat.
Nëse e krahasojmë me vendet e rajonit, niveli mbetet shumë i lartë.
Në Greqi, vetëm 17% e qytetarëve shprehen diskriminues, në Itali 12% Maqedoia 20%, ndërsa Mali i Zi vetëm 11%.
Ndërkohë vendet që kanë nivelin më të ulët të paragjykimit ndaj personave të varfër janë Suedia, Austria, Gjermania dhe Spanja.
Nëse i ndajmë sipas grupmoshave, ata që nuk janë diskriminues në Shqipëri janë adoleshentët të cilët janë shprehur se nuk i gjykojnë njerëzit nga të ardhurat apo pozicioni i punës.
Ndërkohë që të rinjtë e moshës nga 25-34 vjeç janë nëngrupi më i prekur nga ky paragjykim.
Në këtë mënyrë shqiptarët janë më diskriminuesit në Europë ndaj të varfërve edhe pse në krahasim me vendet e rajonit ne kemi nivelin më të ulët e të ardhurave për frymë.
Shqipëria vlerësohet të ketë të ardhura për frymë prej 5261 dollarësh në vit.
