Kapet 37-vjeçari me mbi 20 mijë euro false

370

Një 37-vjeçar nga Kavaja u kap në Tiranë me një sasi të madhe valute. Policia tha se shtetasi me iniciale G.Xh. lëvizte me makinë në zonën e Xhamllikut, kur iu sekuestrua sasia prej 20 mijë e 500 euro të falsifikuara.

Njoftimi i policisë

Seksioni për Krimin Ekonomik dhe Financiar, në bashkëpunim me Prokurorinë e Rrethit Gjyqësor Tiranë, në kuadër të operacionit të koduar “500”, arrestuan në flagrancë shtetasin G. Xh., 37 vjeç, banues në Kavajë.

Në sajë të informacioneve të marra në rrugë operative në rrugën “Sadik Petrela”, Tiranë u bë ndalimi i mjetit, me të cilin ky shtetas po lëvizte.

Gjatë kontrollit iu gjetën 20.500 euro të dyshuara të falsifikuara të cilat u sekuestruan në cilësinë e provës materiale bashkë me mjetin dhe dy aparate celular.

Materialet proceduriale i kaluan Prokurorisë pranë Gjykatës se Rrethit Gjyqesor Tiranë, në ngarkim të shtetasit të

sipërpërmendur, për veprat penale “Falsifikim i monedhave” dhe “Riprodhimi pa të drejtë i veprës së tjetrit”,

parashikuar nga nenet 183 dhe 149/a të Kodit Penal.

Lexo edhe:   AUTOBUSI PËRPLASET ME KARROTRECIN ,6 TË PLAGOSUR