Edhe pse prej shumë kohësh personat me aftësi të kufizuar kërkojnë të drejtat e mohuara në qytetin e Shkodrës, sërish kjo situate nuk ka njohur përmirësim.
Kryetarja e shoqatës së paraplëgjikeve dhe tetraplegjikëve në Qarkun Shkodër pohon se gjendja e këtyre personave po degradon dita ditës.
Ajo pranon se invalidëve në qytetin e Shkodrës jo vetëm që po i mungon shërbimi por edhe respekti në institucione duke i lënë kështu pas dore kërkesat e tyre.
Ndër të tjera, Ndou bën me dije se do të shpallë kandidaturën e saj për të qënë pjësë e Këshillit Bashkiak, për tu bërë zëri i të gjithë invalidëve në Qarkun Shkodër.
Pavarësisht ligjeve që përkrahin personat me aftësi te kufizuar, institucionet përgjegjëse nuk e njohin zbatimin e ligjit. Nje situatë kjo që vazhdon të dominojë prej vitesh në vendin tonë.
