Kalimtarët e varur pas përdorimit të celularëve në Lituani do të detyrohen të mos i përdorin kur kalojnë rrugën. Të mërkurën është aprovuar rregulli i ri me qëllim uljen e numrit të vdekjeve në rrugë.
“Kalimtarët nuk duhet të përdorin celularin derisa të kalojnë rrugën dhe të jenë në trotuar”, tha Ministri i Transportit, Rokas Masiulis gjatë një takimi që u transmetua live.
Duke filluar nga muaji i ardhshëm, kalimi i rrugës me celular në vesh ose në dorë do ti kushtojë lituanezëve një gjobë që fillon nga 40 euro.
Vitin e kaluar, 68 kalimtarë janë vrarë nga motorët dhe motocikletat në Lituani, një vend që ka 2.8 milionë banorë.
Sipas të dhënave të fundit zyrtare, pas Rumanisë dhe Letonisë, Lituania është vendi i tretë në BE që ka numrin më të lartë të vdekjeve në rrugë.
