UEFA ka njoftuar pak ditë më parë Klubin e Futbollit Vllaznia se ekipi i tij i 19 vjeçarëve është zyrtarisht pjesë e “UEFA Youth League”.
Një lajm i tillë sigurisht që ka gëzuar të gjithë në Shkodër sepse është viti i dytë rradhazi që ky ekip merr pjesë në këtë kompeticion kaq të rëndësishëm europian të futbollit të moshave.
Por ndërkohë, për Vllaznia U-19 sot pritet një tjetër lajm i rëndësishëm. Pikërisht mesditën e sotme në
Nion të Zvicrës do të hidhet shorti i turit të parë të kësaj kupe dhe kampionia e Shqipërisë do të mësojë rivalin me të cilin do të ndeshet.
I pranishëm në këtë ceremoni të hedhjes së shortit por edhe në një seminar që UEFA do të zhvillojë me të gjithë klubet pjesmarrëse, është edhe përgjegjësi teknik i Akademisë Vllaznia Alban Neziri.
Vitin e kaluar shkodranët janë ndeshur me moldavët e
Zimbrus ndërkohë që tashmë duhet pritur për të mësuar se kush do të jetë kundërshtari i rradhës.
© shkodrasport
