Muajt korrik dhe gusht kanë patur një rritje të madhe për zyrën e informacionit turistik në Shkodër. Përgjatë 40 ditëve një numër i madh turistësh janë afruar për të kërkuar informacion për destinacionet turistike të Shkodrës.
Mesatarisht janë 130 persona që trokasin çdo ditë në këtë zyrë nga kombësi të ndryshme. Fluksi më i madh janë turistë nga Polonia, Franca, Gjermania, Austria dhe Republika Çeke. Ndërkohë Thethi dhe Valbona janë destinacionet e preferuar.
Ndërkohë, turistët janë nga të gjitha anët e botës. Nuk mungojnë vizitorë nga Afrika e Jugut, Ekuadori, Argjentina, Kili, Amerika, Australia e Azia.
Fluksi këtë verë është përgjatë gjithë ditëve të javës, sin ë fundjavë, ashtu edhe në fillim të saj.
Zyra e informacionit turistik në Shkodër është hapur në sezonin veror të kaluar, ndërsa është një hapësirë mjaft efikase për turistët.
