KËSHILLI BASHKIAK KËRKON LIRIMIN E TË ARRESTUARVE DHE LARGIMIN E RENEA-S NGA KUKËSI

Edhe pse ditë pushimi dhe festë, zhvillimet në qytetin e Kukësit pas protestës në Rrugën e Kombit kanë detyruar Këshillin bashkiak të këtij qyteti të zhvillojë një mbledhje emergjente.

Në përfundim të mbledhjes, anëtarët e Këshillit kanë dalë me një kërkesë ndaj Drejtorisë së policisë së qarkut të Kukësit dhe Prefekturës ku i kërkojnë në mënyrë të menjëhershme lirimin e banorëve të arrestuarve dhe ndalimin e arrestimeve të mëtejshme.

Gjithashtu, Këshilli bashkiak kërkon largimin e Forcave Speciale nga qyteti, të cilat sipas tij kanë ushtruar terror gjatë arrestimeve.

Duke e deklaruar si të panegociueshme tarifën për Rrugën e Kombit, Këshilli bashkiak Kukës deklaron se çdo tentativë për negociata nga pushteti qëndror nuk do të merret në konsideratë deri në lirimin e të arrestuarve.

Të njëjtin qëndrim deklaroi më herët edhe kryebashkiaku Shehu. Ai tha se nuk do të takonte të hënën kryeministrin Rama pa liruar më parë qytetarët e tij.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...