Deputeti i LSI-së, Edmond Panariti, ish-ministër i Bujqësisë, ka zbardhur arsyet sepse qeveria Rama nuk shpall gjendjen e emergjencës në Shkodër, e cila ndodhet nën ujë për shkak të përmbytjeve.

Në studion e News 24, Panariti tha se qeveria ka fobi shpalljen e emergjencës sepse më pas është e detyruar për të kërkuar fonde shtesë për të dëmshpërblyer të përmbyturit.

 

“Unë mendoj se duhet të shpallet gjendja e emergjencës në Shkodër dhe nuk e kuptoj fobinë e qeverisë për të bërë një gjë të tillë, por mendoj se kjo ka të bëjë me çështjen e fondeve shtesë. Por në të tilla raste i drejtohesh BE për të përfituar fonde.

Qeveria nuk e shpall sepse është e detyruar më pas për masa shtesë për t’ju ardhur në ndihmë banorëve.

Mendoj se duhet të shpallet gjendja e emergjencës që të kërkohen më pas fondet. Nëse pret të hapet koha për këto raste kërcënohet jeta e njerëzve”, tha Panariti.

© SYRI.net