Trupi i pajetë i një shqiptari është gjetur në ujërat e një lumi në Aquila të Italisë. Sipas mediave fqinje, trupi i përket një 36-vjeçari të identifikuar me iniciale E.P.

Ai u gjet gjatë natës në Paganica, në një kanal devijues të lumit.

Nuk dihen ende shkaqet e vdekjes së shqiptarit dhe pritet që trupi i tij t’i nënshtrohet autopsisë.

Viktima mësohet se ishte zhdukur nga banesa prej së hënës dhe kishte qenë partnerja e tij që e kishte denoncuar zhdukjen në polici.