Tifozët e Vllaznisë në mëdyshje, Skënderbeu fton tifozët e vet në “Loro Boriçi”

476

Në Shkodër ka dyshime nëse tifozët e Vllaznisë do ta mbështesin apo jo atë në ndeshjen e së dielës kundër Skënderbeut, kuptohet ngaqë janë të zhgënjyer nga humbja e javës së kaluar me Kukësin. Krejt e kundërta me korçarët.

- PUBLICITET -

Edhe ata janë mundur javën e kaluar në Gjirokastër, por drejtuesit e klubit u kanë bërë thirrje atyre për t’i mbështetur edhe në “Loro Boriçi”. Nëpërmjet një postimi të faqes në “Facebook”, klubi i Skënderbeut njofton se në këtë transfertë do të ketë udhëtim falas për tifozët e këtij ekipi.

Takimi do të luhet në “Loro Boriçi” dhe të dy ekipet janë të dënuara për të fituar, por në fund do të ndahen vetëm 3 pikë, sigurisht në rast se takimi nuk do të mbyllet në paqe. Skënderbeu kërkon pushtimin e Shkodrës dhe për këtë kërkon ndihmën e tifozëve.

- PUBLICITET -