Vdekja e Florencit, në Shkodër protestuesit djegin flamurin e Francës

545

Ka kaluar në ekstrem protesta e organizuar në Shkodër, kundër vrasjes së të riut Florenc Beqiri dhe kërkimit të dorëheqjes së ambasadorit shqiptar në Francë, Dritan Tola.

- PUBLICITET -

Qindra shkodranë kanë dalë sot dhe kanë kërkuar drejtësi. Ata kanë kërkuar gjetjen e autorëve të vrasjes së Florencit.

Por protesta duket se ka marrë edhe nota urrejte. Protestuesit kanë djegur flamurin e Francës, si hakmarrje për vrasjen e Florenc Beqirit.

Ai ndërroi jetë 2 ditë më parë në një spital në Marsejë, ndërsa mjekët i hoqën tubat që e mbanin në jetë. Beqiri ishte i ndaluar nga policia prej 2 javësh dhe në burgun e Marsejës, ndodhi edhe ngjarja e rëndë.

Ai u shtrua në spital, por nuk mundi të mbijetojë. Ambasada e Francës në Tiranë dje u shpreh se trupi i Florenc Beqirit do ti nënshtrohet autopsisë për të zbardhur shkakun e vdekjes.

Autoritet lokale në Francë pretendojnë për një tentativë vetëvrasje, por ky varian është hedhur poshtë nga familjarët dhe miqtë e të ndjerit, të cilët shprehen se ai nuk kishte asnjë arsye për të bëtë këtë veprim.

Ata akuzojnë të burgosur dhe policë arabë, me shtetësi franceze si autorë të vrasjes. Dje në Tiranë u organizuar një protestë më e madhe.

 

© SYRI.net

- PUBLICITET -