Prezantimi i Festivalit të 58-të të RTSH-së nga moderatorja Alketa Vejsiu u pasua me shumë zhurmë. Ndaj saj nuk munguan as thumbat nga koleget, të cilat e ironizuan lidhur me ndërrimin e shpeshtë të fustaneve.
Kritikat, asokohe, Alketa nuk i priti fare mire, duke u marrë më pas personalisht me të gjitha ato që e kishin kritikuar duke e tejkaluar edhe masën e humorit.
Lidhur me Xhemin, në profilin social të revistës “Class” në Instagram ajo shkruante se Xhemi e qan rolin e “Gagaçes”, rol të cilin e ka luajtur Salsano Rrapi në “Portokalli”.
Sot e ftuar në “Ftesë në 5”, Xhemi Shehu ia ka kthyer reston si gjithmonë me të qeshur dhe me batutë. Teksa Bieta Sulo po e pyeste atë dhe Salsano Rrapin se çfarë duhej secili që të rregullonte tek vetja, aktori tha se ajo duhet të kujdesej më shumë për veten pasi fokusin kryesor e kishte tek fjala. Me shpoti, Xhemi u ‘justifikua’ se kujdesej më shumë për atë që do të thoshtë apo nuk donte që të ngjante ashtu siç e kishte ‘profilizuar’ Alketa.
