Luana Vjollca ka hedhur këtë pyetje në Instagram dhe emojit e turpëruara poshtë shkrimit, të bëjnë të mendosh se do martohet vetë ajo. Nuk do ishte çudi pas në fillim të vitit dolën lart e poshtë fjalët se do celebronte dashurinë e saj me Krenar Koçajn dhe si i thonë fjalës, ku ka zë, s`është pa gjë.
Por mund ta ketë edhe për formatin programit të saj të ri, në të cilin njerëz të zakonshëm do njihen dhe ndoshta martohen me njëri-tjetrin.
Pak ditë më parë, Luana Vjollca deklaroi se do të rikthehet së shpejti në ekran, me një tjetër emision. Të gjithë menduan se do t’i zinte vendin Arbana Osmanit, duke prezantuar Big Brother Albania, por revista Anabel ka zbuluar programin e ri televiziz që do të moderojë Luana, dhe në qendër të gjithë programit është një lojë mes beqarësh.
30 vajza do të vihen përballë një djali simpatik, derisa njëra prej tyre në bazë të lojës fiton një takim me të.