Momenti i parë kur dhëndri sheh nusen me fustanin e bardhë mbetet i veçantë për të gjithë çiftet.

Por, për një dhëndër nga Kentucky, ky moment do të mbetet i paharrueshëm, dhe jo për arsyet që mund të jeni duke menduar.

Në momentin që Logan Martin u kthye për të parë, në vend të nuses ishte miku i tij i veshur me fustan të bardhë.

Nusja, Megan Martin vendosi që t’i bënte një ‘rreng’ të vogël Loganit prandaj i propozoi Ryan Sowder që të vishej me fustan të bardhe dhe të shkonte drejt altarit.

Duke folur për mediat, Sowder u shpreh:

Kur Megan më kërkoi që t’i bëja rrengun Loganit nuk kisha asnjë shans që ta refuzoja.”

Logan u zu në befasi dhe reagimi i tij ‘epik’ u kap nga fotografi i dasmës pasi ata ishin mbledhur për të bërë setin fotografik të ceremonisë.