Enca Haxhia ka treguar së fundmi se frymëzim për një këngëtar/e mund të jetë edhe ish i dashuri. Këtij të fundit i kërkon përmes një postimi në rrjetin social “Instagram” që t’i shkruajë, në mënyrë që të frymëzohet për strofën e fundit të këngës më të re, që pritet të nxjerrë së shpejti në treg.
“I dashur ish i dashur. Na shkruaj ndonjë mesazh që të frymëzohemi për këtë strofën e fundit që më ka ngelur. Faleminderit”– shprehet Enca, duke ngritur kështu pikëpyetje për personin të cilit po i drejtohet.
Enca nuk ka folur asnjëherë publikisht për ndonjë lidhje, ndonëse vitin e kaluar pranoi se është ngacmuar nga një burrë i martuar, nga ku i lindi frymëzimi për këngën “Dua”.
