Pak ditë më parë u publikua në media për herë të parë fotografia që tregon rritjen e 6-vjeçares në atë kohë, sot një adoleshente të Bleona Matës. Familja e saj jeton në Kukës, ku ka mbetur nëna, vëllai si dhe gjyshi Zenel Mata.
Reagimet e para te vëllait dhe emocionet e gjyshit, pasi panë për herë të parë foton që tregon rritjen moshore të Bleonës janë prekëse. Për herë të parë nga zhdukja e saj reagon edhe vëllai i Bleonës një 3 vjeçar asokohe kur e motra u zhduk.
Armendi nuk i mban dot lotët.
“Unë dua t’i them si vëlla i vogël të kthehet sa më shpejt e më parë. Ishim duke luajtur në oborrin e shkollës dhe erdhi Xhemilja dhe e mori…(përlotet…)”
