Lindi në Shkodër më 7 nëntor të vitit 1909, në qytetin e lindjes kreu shkollën fillore në Shkollën e Jezuitëve. Familja e tij u transferua ne Tirane ne vitin 1921. Aktivitetin e tij artistik Mihali e filloi në teatër në vitin 1924 në Tiranë, me grupin amator të shoqërisë “Tirana”.
Për shumë vite Mihali punoi në bandën frymore të shtetit dhe ndërkohë vazhdonte aktivitetin amator si aktor . Në vitin 1932 Mihali krijoi grupin e vet teatral pranë kinema “Gloria”-s, ku interpretoi disa role së bashku me Xhevat Serezin, Mihal Stefën, Hasan Reçin etj., në pjesët “I shurdhëri”, “Dy zotni me pantallona”, “Dre.qi dhe njeriu”, “I li.gu për mend”, “Cubat” etj.
Gjatë pushtimit të Shqipërisë punoi si fotograf, por edhe si aktor në Radio Tirana. Në vitin 1945 është ndër aktorët e parë në Teatrin Popullor, ku shkëlqeu që në rolet e para.
Ka interpretuar mbi 40 role, ku ndër më të suksesshmit janë roli i prefektit Qazim Mulleti në komedinë “Prefekti”, Anton Antonoviç në komedinë “Revizori” nga Gogol, Falstaf në “Gratë gazmore të Uindsorit” të Shekspirit, Zhurdeni tek “Borgjezi fisnik” i Molierit,
senatori Lington, etj. Më 1966 del në pension, por nuk u shkëput nga skena. Mihali ka interpretuar bukur në disa filma artistikë si rolin e Ballaban Pashës tek Skënderbeu.
Ai interpretoi dhe në Estradën e Tiranës.
Mihal Popi për veprimtarinë e tij artistike në Teatër është nderuar me titullin e lartë “Artist i Popullit”.
V.diq më 19 shtator të vitit 1979 në Tiranë.
Interpretime në Teatër:
Syleshi – 1946
Mikroborgjezi – 1946
Tartufi -1967
Platon Kreciot – 1948
Prefekti – 1948
Rrënjë të thella -1949
Për macokët nuk ka karnavale – 1949
Gubernatori i provincës – 1949
Karakteri i moskovit – 1949
Makar Dubrava – 1950
Komplloti i të dën.uarve – 1950
Halili dhe Hajrija – 1950
Zëri i Amerikës – 1951
