Një ditë pas mesazhit të koduar ‘politika është shah’ Rama ka urdhëruar nxjerrjen e një ligji nga sirtarët e Kuvendit për të goditur Ilir Metën, nisin llogaritë për shkarkimin

Ilir Meta, politikani më i akuzuar më krime ekonomike dhe njerëzore në Ballkan, duket se nuk do ta mbyllë mandatin për President. Politikani që sot duhet të ishte në burg ashtu si shokët e tij në Kroaci dhe Rumani, për pastrim parash, porositje vrasjesh, vjedhje të pasurive kombëtare, për grabitjen e floririt,

për bllokun e pazareve dhe për një sagë me afera korruptive të shtrirë në 28 vjet, sot është në krye të shtetit të shqiptar, si peshqesh që Edi Rama u bëri shqiptarëve. Si mos të mjaftonin vjedhjet masive dhe kapja me bllokun e pazareve në dorë, Ilir Meta tashmë po tenton të bllokojë qeverinë dhe të destabilizojë vendin, duke refuzuar dekretimin e ministrit të

Brendshëm dhe kreut të SHISH. Këto dy institucione janë jetime për sigurinë kombëtare në Shqipëri.

Duke përdhunuar Kushtetutën, Meta po mban peng Ministrinë e Brendshme dhe SHISH, si mjet presioni ndaj Ramës për të ndarë tenderat dhe koncesionet, si në kohën kur qeverisnin bashkë. Gjithashtu, Meta kërkon të bëjë presion

që të marrë një garanci se nuk do të futet në burg nga organet e reja të drejtësisë. Por në vend të pazareve dhe garancisë, Ilir Meta do të marrë si përgjigje një izolim dhe më vonë edhe një shkarkim, sapo shumica të sigurojë votat e duhura.

Në PS kanë nisur lëvizjet dhe llogaritë për shkarkimin e Metës, rrëzimi i të cilit mbështetet edhe nga SHBA-BE.

Sipas burimeve të mirinformuara, Rama ka urdhëruar që të nxjerrë nja sirtarët e Kuvendit një ligj për izolimin dhe më pas shkarkimin e Ilir Metës, pas lojës së këtij të fundit, me mosdekretimin e Sandër Lleshit si ministër i Brendshëm.

Është një ligj për organizimin dhe funksionimin e Presidencës, të cili Rama e mbante të ngrirë si mjet presioni ndaj Metës. Sapo Meta nisi të përdhunojë Kushtetutën dhe të bllokojë qeverinë, Rama ka urdhëruar të tijtë të nxjerrin menjëherë ligjin dhe të nisin ta shqyrtojnë.

Në ligj thuhet se “Presidenti i Republikës mund të shkarkohet për shkelje të rëndë të Kushtetutës dhe për kryerjen e një krimi të rende. Propozimi për shkarkimin e Presidentit për këto raste mund të bëhet nga jo me pak se një e katërta e anëtarëve të Kuvendit.

Kërkesa duhet t’i paraqitet me shkrim Kryetarit të Kuvendit dhe të përmbajë në mënyrë të motivuar dhe konkrete shkeljen e rënde të Kushtetutës ose kryerjen e një krimi të rëndë. Me paraqitjen e propozimit, Kryetari i Kuvendit vë menjëherë në dijeni Kuvendin dhe

Presidentin e Republikës. Kuvendi vendos për shkarkimin e Presidentit të Republikës, me jo më pak se dy të tretat e të gjithë anëtareve të tij dhe me votim të fshehtë. Vendimi i Kuvendit për shkarkimin e Presidentit të Republikës i dërgohet Gjykatës Kushtetuese nga Kryetari i Kuvendit, brenda 5 ditëve nga marrja e tij”.

Mbetet për t’u parë nëse Rama do t’i sigurojë 2/3 e votave për shkarkimin e Ilir Metës, ndërsa pengesë mbetet edhe rënia e Gjykatës Kushtetuese.

Megjithatë, ligjit do të sjellë një izolim dhe disiplinim të Ilir Metës në veprimtarinë e tij. Skenari i dytë është marrja e Metës nën hetim për shkelje të rëndë të Kushtetutës për llogari të pazareve politike dhe të frontit kundër reformës në drejtësi

. Duke bllokuar SHISH dhe Ministrinë e Brendshme, nuk përjashtohet mundësia e vënies në lëvizje të SHBA-BE,

që mund t’i nxjerrin Metës dosjet e krimit dhe korrupsionit para se të ngrihet Byroja Kombëtare e Hetimit./Pamfleti