Provoni qofte me specat plot ngjyra. Ndoshta është receta e duhur për personat që u janë mërzitur recetat tradicionale të qofteve.
Ideale për të gjithë familjen dhe estetikisht shumë e bukur. Provojeni!
Përbërësit:
400 gr mish të grirë viçi
30 gr djathë kaçkavall i grirë
2 lugë gjelle galetë
1 vezë
majdanoz
1 hudhër
2 lugë gjelle miell
200 gr salcë domatesh
1 spec i kuq
1 spec i verdhë
1 spec jeshil
Vaj ulliri
Kripë
Piper
Përgatitja:
Pastroni specat me ujë nga jashtë dhe hiqni pjesën e brendshme të tyre, farat dhe fijet. Pritini në madhësi të barabarta. Hidhni në një tigan pak vaj ulliri dhe skuqni specat, sa të marrin pak ngjyrë.
Shtoni kripë, piper dhe më pas hidhni edhe salcën e domateve. Lërini në zjarr të ngadaltë për 20 minuta.
Për të përgatitur qoftet merrni një tas dhe hidhni mishin e grirë, vezën, djathin, galetën, majdanozin, hudhrën. Përzieni mirë brumin e qofteve.
Rregulloni shijen me kripë dhe piper dhe shtoni edhe djathin e grirë. Bëni kujdes me kripën, sepse vetë djathi ka kripë me shumicë.
Formoni qoftet e vogla duke lagur duart herë pas here. Vendosni një tigan tjetër me pak vaj ulliri dhe skuqni qoftet, të cilat mund t’i lyeni nga jashtë me miell në mënyrë që të skuqen sa më mirë.
Bashkoni qoftet me salcën dhe receta juaj është gati. Ju bëftë mirë!