Trepikëshi me Lushnjën është i njëjtë si me Skënderbeun, Kukësin apo çdo skuadër tjetër dhe prandaj Vllaznia jo vetëm që nuk e nënvlerëson aspak kundërshtarin e rradhës por duhet të japë maksimumin e saj për ta fituar këtë takim.
Kjo është deklarata e bërë nga trajneri i saj Ernest Gjoka në konferencën për shtyp të pragndeshjes.
“Asnjë nënvlerësim nuk ka në rradhët tona për këtë ndeshje. Vllaznia e ka pësuar vjet duke nënvlerësuar një skuadër që kishte rënë nga kategoria.
Edhe unë kur isha tek Kukësi e pësova nga një nënvlerësim i tillë.
Duke ditur këtë situatë, e kemi vlerësuar maksimalisht ndeshjen dhe ky trepikësh ka shumë vlerë për ne.
Fitorja ndaj Lushnjës vlen po aq sa ajo me Skënderbeun, Kukësin apo çdo skuadër tjetër të Superligës.
Duhet patjetër që të vazhdojmë serinë e rezultateve pozitive dhe të paraqitjeve të mira që kemi bërë në fazën e tretë të kampionatit sepse vetëm kështu,
do ia dalim të arrijmë objektivin që kemi”- është shprehur trajneri Gjoka.
www.shkodrasport.com
