I inaguruar tre vite më parë, By-pass-i i Shkodrës po përballet me mungesë të kujdesit për mirëmbajtje.
Në disa pjesë të këtij segmenti rrugor vërehen dëmtime të konsiderueshme, një fenomen që ka nisur të shfaqet shumë shpejt pas vënies në funksion të kësaj rruge, që është nën administrimin e Autoritetit Rrugor Shqiptar.
Parmakët e dëmtuar, në disa pika të rrugës, dëshmojnë për lëvizje e automjeteve me shpejtësi të lartë, jashtë normave të lejuara , duke përbërë rrezik për aksidente, të cilat nuk kanë munguar.
By-pass-i i Shkodrës, një investim prej 1.7 miliardë lekësh, u përfundua në mars të vitit 2022, duke luajtur një rol të rëndësishëm në lehtësimin e trafikut të rënduar dhe kaosit brenda qytetit të Shkodrës, sidomos gjatë muajve të verës, kur rritet ndjeshëm numri i automjeteve .
