Aktorja e njohur e humorit Rudina Dembacaj ka ndarë disa detaje të rëndësishme për jetën e saj personale gjatë një interviste në emisionin “Ndryshe”. Kur u pyet se për çfarë do të ishte e gatshme të sakrifikonte dashurinë e saj, ajo theksoi se vetëm për të mirën e fëmijëve të saj do të mbyllte kapitullin e dashurisë.
“Dashuria për fëmijët është prioriteti im absolut. Nëse është më mirë për fëmijët e mi që të heq dorë nga dashuria, atëherë unë do ta bëja pa hezitim.
Për çdo gjë tjetër në jetën time, nuk do ta bëja. Madje, një herë, kur bisedova me partnerin tim, ai më tha se një nga vajzat tona na kishte thënë se do të vinte me mua nëse do të ndahesha nga ai,” shprehet Rudina.
