Velipojë, 5 maj 2025 – Gjatë një takimi me banorët e Njësisë Administrative Velipojë, kandidati i Partisë Socialiste, Marjan Ndershtiqaj, risolli në vëmendje rëndësinë e ndjekjes së një politike të përgjegjshme dhe të qëndrueshme për të ardhmen e zonës.
Në deklaratën e tij publike, Ndershtiqaj theksoi përkushtimin ndaj përmirësimit të kushteve të jetesës, duke vënë theksin te investimet në turizëm, infrastruktura moderne dhe krijimi i mundësive të reja për çdo familje.
“Ne kemi një vizion të qartë për zhvillimin e Velipojës. Kjo zonë ka një potencial të jashtëzakonshëm që kërkon investime të qëndrueshme dhe mbështetje të vazhdueshme. Kemi nisur projekte konkrete dhe është koha t’i çojmë përpara,” – u shpreh Ndershtiqaj.
Ai u bëri thirrje qytetarëve që më 11 maj të votojnë numrin 5, Partinë Socialiste, duke theksuar nevojën për vazhdimësi dhe përkushtim në shërbim të komunitetit.
“Të votojmë për punë konkrete, për projekte që i japin jetë Velipojës dhe për një të ardhme më të sigurt për fëmijët tanë,” – shtoi ai.
Takimi u mbyll me mbështetjen e qytetarëve dhe një frymë pozitive drejt zgjedhjeve të ardhshme, me moton: #Voto5 🖐️ #BashkëDrejtFitores 🤝 #Shkodra2030 🇦🇱
