Në një status të shpërndarë në facebook, Marjan Ndershtiqaj ka përkujtuar me nderim dhe mirënjohje të thellë Dëshmorët e Atdheut, duke theksuar rëndësinë e sakrificës së tyre për një Shqipëri të lirë dhe të pavarur.
“🇦🇱 Më 5 Maj, përkujtojmë me mirënjohje të thellë Dëshmorët e Atdheut, ata që flijuan jetën për një Shqipëri të lirë dhe të pavarur. Guximi dhe dashuria e tyre për vendin mbeten frymëzim i përhershëm”, shkruan ai.
5 Maji njihet si Dita e Dëshmorëve në Shqipëri dhe është një ditë reflektimi kombëtar mbi historinë e rezistencës dhe luftës për liri. Mesazhi i Ndershtiqajt nënvizon rëndësinë e ruajtjes së kujtesës historike dhe vlerësimit të atyre që dhanë jetën për atdheun.
