Në një takim entuziast në zemër të Dukagjinit, në sheshin historik të burrave të besës dhe grave sojnike, Marjan Ndërshtiqaj kërkoi mbështetjen e qytetarëve për Numrin 5 në zgjedhjet parlamentare.
Ndërshtiqaj theksoi rëndësinë që Dukagjini të ketë përfaqësuesit e vet në Kuvendin e Shqipërisë për të mbrojtur interesat e komunitetit dhe për të çuar përpara kauzat e zhvillimit dhe të drejtave të kësaj zone të lavdishme.
“Dukagjini kërkon dhe meriton më shumë. Me Partinë Socialiste, Dukagjini do të ketë vëmendjen, forcën dhe përkrahjen që i takon,” deklaroi ai, duke u zotuar për punë të palodhur në shërbim të kësaj zone.
