Në një postim në rrjete sociale, Marjan Ndershtiqaj ka ndarë vlerësimin e tij për një nga profesionet më të vjetra, berberët. Ai i cilëson ata si “njerëz pozitivë dhe dëgjues të mirë për secilin nga ne“, duke theksuar se roli i tyre shkon përtej thjesht përkujdesjes për pamjen e jashtme.
“Berberët janë jo vetëm profesionistë në kurimin e imazhit tonë, por edhe njohës të mirë të komunitetit dhe halleve e gëzimeve të tyre”, shkruan ai, duke nënvizuar rëndësinë e këtij zanati tradicional në jetën e përditshme.
Ndershtiqaj u bën thirrje ndjekësve që të tregojnë më shumë kujdes dhe respekt ndaj këtij profesioni, duke falënderuar ata për energjinë pozitive që përcjellin tek çdo klient.
Postimi i tij është pritur me reagime të shumta pozitive, duke reflektuar ndjeshmërinë që shumëkush ndan për këtë figurë të përditshme që shpesh mbetet në hije.
