Në një status të shpërndarë së fundmi në rrjetet sociale, Marjan Ndershtiqaj ka shprehur publikisht vlerësimin dhe mirënjohjen e tij për punonjësit e lavazheve në qytet. Ai thekson profesionalizmin dhe përkushtimin që ata tregojnë çdo ditë, pavarësisht kushteve shpesh të vështira në të cilat punojnë.
“Dëshiroj t’u shpreh mirënjohjen time atyre që punojnë në lavazhet e ndryshme të qytetit, për shërbimin dhe profesionalizmin e treguar në çdo rast. Kujdesi dhe përkushtimi i tyre ndaj detajeve reflektohen qartë në cilësinë e lartë të punës që ofrojnë dhe pse jo rrallëherë punojnë në kushte të vështira. Respekt për punën dhe djersën e tyre!” shkruan Ndershtiqaj.
