Shqipëria dhe Kosova do të bashkohen edhe më fort përmes një projekti ambicioz infrastrukturor – Hekurudha “Kuq e Zi”, e cila do të lidhë Shkodrën me Gjakovën nëpërmjet një linje moderne hekurudhore 100 kilometra të gjatë.
Në një status në facebook ku e shoqëron me video Marjan Ndershtiqaj, i cili e cilësoi këtë projekt si një investim strategjik jo vetëm në infrastrukturë, por në vetë bashkimin ekonomik, social dhe kombëtar të rajonit.
Projekti përfshin:
• 35 kilometra tunele që do të kalojnë përmes terrenit të thyer malor
• 43 ura që do të lidhin zona të izoluara me qendrat e zhvillimit
• 7 stacione që do të ndikojnë drejtpërdrejt në lëvizshmëri dhe tregti
Hekurudha pritet të sjellë përfitime të ndjeshme për Shkodrën, zonën e Dukagjinit dhe gjithë veriun e Shqipërisë, duke krijuar kushte të reja për zhvillim të qëndrueshëm, turizëm malor dhe tregti ndërkufitare.
Projekti “Kuq e Zi” pritet të bëhet një nga shtyllat kryesore të integrimit infrastrukturor ndërmjet Shqipërisë dhe Kosovës.
https://www.facebook.com/share/r/1APeVX9YAB/
