Inspektorati Kombëtar i Mbrojtjes së Territorit, në bashkëpunim me Policinë e Shtetit, pritet të ndërmarrë sot aksionin për prishjen e disa ndërtesave në hyrje të qytetit të Shkodrës. Ndër objektet që do të shemben përfshihen restorante dhe servise automjetesh, të cilat konsiderohen si ndërtime pa leje.
Pronarët e bizneseve kanë shprehur kundërshtime ndaj këtij vendimi, çka ka çuar në masa të shtuara sigurie me praninë e forcave të shumta policore që kanë siguruar zonën.
Në të njëjtën ditë, kryeministri Edi Rama do të vizitojë Shkodrën për të inauguruar disa projekte të reja investimesh, përfshirë rikualifikimin e hyrjes së qytetit, rikualifikimin e qendrës ku ndodhet Xhamia Ebu Beker, si dhe rrugën e Komanit.
