Platforma e famshme e videove të shkurtra, TikTok, ka bllokuar aksesin për përdoruesit në Shtetet e Bashkuara. Vendimi është bërë publik sot dhe ka ngjallur reagime të shumta nga përdoruesit dhe ekspertët e teknologjisë. Në një mesazh të shpërndarë në aplikacion, përdoruesit janë njoftuar për kufizimin, ndërsa një mesazh ironik i ka shoqëruar: “Për fat të mirë vjen Trump.”
Ende nuk dihen arsyet e sakta për këtë masë, por spekulohet se ka të bëjë me presionet e vazhdueshme nga autoritetet amerikane për të kufizuar ndikimin e kompanive kineze në vend, për arsye të sigurisë kombëtare.
Ish-presidenti Donald Trump, gjatë mandatit të tij, kishte nisur përpjekje për të ndaluar TikTok në SHBA, por ato nuk u realizuan plotësisht. Ironia e mesazhit ka ngjallur debat, me disa që e shohin si një kritikë ndaj politikave të mëparshme të Trump dhe të tjerë që e interpretojnë si një koment mbi situatën aktuale.
