Shkodra është njohur përherë si qyteti i biçikletave, kjo për shkak të përdoruesve të shumtë të këtij mjeti transporti. Në jo pak raste fluksi i lëvizjes së tyre krijon vështirësi në trafikun e qarkullimit rrugor në qytet.
Megjithatë prej një muaji me iniciativë të Bashkisë së Shkodrës po vendosen në disa nga pikat më të populluara të qendrës së qytetit vendparkimet për biçikleta. Vendosja e tyre në mënyrë të unifikuar po shihet pozitivisht edhe nga qytetarët dhe në mënyrë të veçantë përdoruesit e biçikletave.Burime brenda bashkisë bëjnë me dije se iniciativa e vendosjes së standartizuar të vendparkimeve për biçikleta nuk do të mbetet vetëm në qendër por do të shtrihet edhe në lagje të tjera të qytetit.
