Lideri historik i PS Fatos Nano ka dalë nga intubimi pas rreth dy javësh në spital dhe sipas burimeve të Ora News gjendja e tij shëndetësore është e qëndrueshme.
Ish-kryeministri po vijon trajtimin shëndetësor në reaminacion, por tashmë është me parametra të përmirësuar.
Për t’i lehtësuar furnizimin me oksigjen, mjekët i kanë bërë hapje kirurgjikale të trakesë ku kanë vendosur një tub plastik.
Fatos Nano vuan nga një sëmundje Pulmonare Obstruktive Kronike e quajtur ndryshe si SPOK.
Kjo patologji që prek mushkëritë dhe karakterizohet nga një ngushtim i rrugëve respiratore me pasojë kryesore vështirësinë e furnizimit me oksigjen.
Nano u shoqërua me ambulancë nga shtëpia e tij për në spital të enjten e 24 gushtit pas problemeve me frymëmarrjen.
