Luiz Ejlli e di shumë mirë se si duhet të luajë me publikun për të pasur vëmendjen e tij edhe pse kanë kaluar më shumë se 4 muaj që ai është shkëputur nga jeta virtuale në shtëpinë e famshme, ku ai u shpall dhe fitues.
Kjo pasi këngëtari ia doli sërish të marrë vëmendjen e publikut përmes një fotografie të publikuar në rrjetin e tij social “Instagram”.
Në foton në fjalë, këngëtari dhe partnerja e tij Kiara Tito shfaqen të lumtur duke mbajtur në krahë një foshnjë.
“Sa shpejt kalojnë vitet … Më duket sikur kaluan vetëm 4 muaj nga “Big Brother” dhe ja ku jemi sot.
Po bëj prova për story që do bëjmë pas disa kohësh…”, ka shkruar Luizi mbi foton e publikuar, duke e shoqëruar me një shenjë që shkel syrin.
Kaq ka mjaftuar që fansat të nisin aludimet se çifti është në pritje të ëmbël, por edhe pse nuk ka asnjë konfirmim nga të dy ata.
