Bashkia e Lezhës lidhur me të dhënat e marra nga Shërbimi Meteorologjik informon qytetarët se nesër mbrëma duke gdhirë data 29 rreth orës 1:00 deri në orët e para të mëngjesit priten reshje të shumta shiu.
Në një njoftim në rrjetet sociale, bashkia thekson se “parashikohet që të ketë furtunë dhe përmbytje, pasi sasia e shiut që do të bjerë do jetë shumë e lartë”.
Shërbimet e Emergjencave të bashkisë Lezhë do të jenë në gadishmëri gjatë natës për të ndërhyrë në çdo rast problematik.
“Përveç masave që do të marrim ne ju lutemi banorëve që të marrin çdo masë të mundshme dhe të lajmërojnë në kohë reale në numrin e tel: +355 68 331 2049”, tha bashkia.
