Një fëmijë 12 vjeç është sjellë nga familjarët në spitalin e Sarandës rreth orës 21:00 me plagë serioze në pjesë të ndryshme të trupit.
Fëmija sipas dëshmisë së familjarëve është sulmuar nga disa qen stani në fshatin Rusan të Delvinës. Sulmi ka ndodhur pranë një stani bagëtish të imëta.
Nuk janë ende të qarta rrethanat dhe nëse fëmija ka qenë vetëm në momentin e sulmit por dihet se e gjithë situata ka ndodhur në pak minuta. 12-vjeçari po i nënshtrohet disa ndërhyrjeve kirurgjikale si fazë emergjence dhe në vijim mund të referohet në spitalin e Tiranës.
