Besimtarë të krishterë në Shirokë, kanë festuar festën e Shën Rrokut. Një festë kjo e cila bashkon besimtarë vendas dhe ato të kthyer nga emigracioni. Meshtari dom Artur Jaku nga kisha e Shirokës i drejtoi një thirrje institucioneve për ruajtjen e Shirokës si një zonat më të rëndësishme të qytetit të Shkodrës, duke e cilësuar si zemra e qytetit.
Dom Artur Jaku apeloi besimtarët që të trajtojnë mirë Shirokën, natyrën dhe pasurinë e larmishme që ka ky vend.
Pas meshës në festën e Shën Rrokut, besimtarët e krishterë do të bëhen pjesë e procesionit që zhvillohet pasditen e së mërkurës në malin e Taraboshit dhe lumin Buna.
