Xhemi Shehu është një prej moderatoreve shqiptare më diskrete përsa i përket jetës së saj private. Ajo ka preferuar që bashkëshortin e saj, Elvisin ta mbajë larg vëmendjes publike dhe asnjëherë nuk ka publikuar në rrjetet sociale foto së bashku me të.
Bashkëshortin e Xhemit e njohim vetëm nëpërmjet fotove të kapura nga paparacët, gjatë pjesëmarrjes së tyre në evente të ndryshme publike vite më parë.
Duke qenë se ka profil të ulët në publik, për Elvisin dihet vetëm që është biznesmen. Ai është shfaqur shumë rrallë përkrah prezantueses në publik, e fotot e të dyve bashkë numërohen me gishtat e të njërës dorë.
Megjithatë, së fundmi ka qenë mikesha e saj Arbana Osmani që ‘ka thyer rregullin’ e Xhemit disi. Ajo dhe Eduarti kanë darkuar mbrëmjen e djeshme me Xhemin dhe partnerin e saj.
E Arbana ka ndarë një foto në Instagram ku shihen: Eduarti, Xhemi dhe bashkëshorti i saj.
Xhemi dhe Elvisi kanë dy djem, Gabrielin dhe Martinin që rrallë i shohim në profilet e Xhemit në rrjetet sociale.
Daljet e tij numërohen me gishtat e dorës, Arbana ‘thyen’
