Fermerët jo në pak raste hasin vështirësi në shitjen e mallrave, edhe për shkak të mosbesimit në treg, të produkteve të tyre. “A është bio, a ka kimikate”, janë pyetjet e zakonta që hasin fermerët që gjithmonë përballë janë një blerës që sheh me dyshim mallrat vendase. Kjo për shumë arsye, por që jo në pak raste, ka lënë stok prodhimin, duke bërë që blerësit të drejtohen të mallrat e huaja.
Altini i Mrizit të Zanave, përmes një video shpjeguese nga tokat plor me shalqinj, domate e bostane, tregon se prodhimet nuk dallohen në pamje por me analiza.
“Dedikuar ekspertëve fejsbuksa apo tiktoksa, perimet me kimikate nuk dallohen në pamje por me analiza.
Dhe kur nuk jane përfekte do të thote se janë më natyrale.
Mjaft hodhët vrer ndaj fermerëve, konsumoni prodhimet e stines dhe informohuni më shumë tek ekspertët bujqësore se na vdiqet me injorancë!!”, shkruan Altini i Mrizit në një video në instagram.
