Kryeministri Edi Rama ka falenderuar me anë të një postimi në rrjetet sociale të gjithë punonjësit e Policisë Rrugore dhe bashkiake që shërbejnë në Shqipëri në këto ditë me temperatura të larta.
“Falënderim dhe mirënjohje ndaj çdo efektivi të Policisë Rrugore dhe asaj Bashkiake që shërben në të gjithë territorin e Republikës së Shqipërisë në këto ditë me temperatura të larta”, shkruan Rama.
Shqipëria prej ditësh po përjeton temperatura shumë të larta për shkak të të nxehtit që pritet të arrijë kulmin e 42 gradë Celsius në hije.
Për të përballuar rastet e shumta të qytetarëve që kanë pësuar goditje nga temperaturat në Tiranë janë ngritur në terren 4 njësi të lëvizshme të urgjencës.
