Ministri i Brendshëm Taulant Balla ka kërkuar intensifikimin e punës për goditjen e grupeve kriminale kriminale dhe pastrimin e zonave të veriut nga kultivimi i lëndëve narkotike.
Gjatë një takimi me strukturat drejtuese të Drejtorisë Vendore të Policisë Shkodër, Balla u shpreh se duhet të merren të gjitha masat që i takojnë Policisë, për mbarëvajtjen e sezonit turistik, si dhe “të intensifikohet puna për goditjen e grupeve kriminale dhe pastrimin e alpeve e zonave të thella, nga kultivimi i lëndëve narkotike”.
Balla theksoi se strukturat e Policisë duhet të kenë vëmendje më të shtuar edhe ndaj ndërtimeve pa leje, sidomos në qendrat urbane dhe zonat turistike.
“Na duhet vëmendje e shtuar ndaj fenomenit të ndërtimeve pa leje në qendrat urbane e ato turistike. Nuk duhet të ketë asnjë tolerim”, tha ministri Balla.
