Prej fillimit të vitit, në Drejtorinë Rajonale të Punësimit në Shkodër rezultojnë një numër i konsiderueshëm i personave të papunë. Gjatë një interviste dhënë për RTSH Shkodra titullarja e këtij institucioni Rozafa Zmijani tha se sektori i turizmit ofron mundësi punësimi.
Kjo edhe në bazë të ofertave të paraqitura nga administratorët e bujtinave në pikën turistike të Thethit. Drejtorja Zmijani foli edhe për programin më të ri, atë të kodimit të lançuar nga qeveria, ku secili prej punëkërkuesve mundet të “Aplikojë për kursin e formimit profesional me mbështetje financiare”.
Subvencionimi nga ana e qeverisë shkon deri në 50 % të kostos, ndërsa për disa kategori më vulnerabël shkon deri në 100 %. Problem në sektorin e turizmit mbetet eksperienca të cilën bizneset kërkojnë tek punëtorët e rinj. Drejtorja Rozafa Zmijani tha se për të zvogëluar këtë hendek, janë krijuar programe punësimi që kualifikojnë të rinjtë pa shumë eksperiencë pune.
