Fshati Obot në njësinë administrative Ana e Malit në Bashkinë Shkodër, i njohur për përmbytjet e shpeshta gjatë stinës së dimrit, po vuan prej shumë kohësh edhe nga emigracioni .
Në brendësi të fshatit vëren rrugë të boshatisura dhe shtëpi të mbuluara nga bimësia, çka tregon më së miri shpopullimin e frikshëm të kësaj zone.
Ata që ende kanë mbetur në këtë fshat tregojnë gjendjen dhe arsyet e braktisjes. Por më shumë se kushdo, këtë braktisje po e ndjejnë të moshuarit e fshatit, të cilët kanë mbetur të vetmuar.
Dikur me më shumë se 1 mijë banorë sot në këtë fshat jetojnë rreth 100 persona kryesisht të moshuar, ndërsa nuk do të jetë e largët dita
kur fshati i Obot do të njihet vetëm si toponim gjeografik, pasi njerëzit sa vijnë dhe rrallohen.
