Pas përfundimit të ndërtimit të korsisë së biçikletave në segmentin Xhabije –Parrucë, sot në qytetin e Shkodrës po punohet në një tjetër rrugë , atë të “Daut Boriçi” ose Ura Dervishbeg.
Megjithëse faza e parë ka përfunduar prej disa kohësh, ditën e sotme punimet nga firma kontraktuese ishin përqëndruar në shtrimin e asfaltit. Qytetarët thonë se kjo korsi do të ndihmojë të lëvizin pa problem gjithë përdoruesit e biçikletave .Ndërkohë Bashkia Shkodër bëri thirje një ditë më parë të gjithë drejtuesve të automjeteve të cilët parkojnë në anën e rrugës që po punohet, të mos bëhen pengesë për kryerjen e punimeve.
Në të kundërt nga mëngjesi i sotëm , do të ndërhyhet me karrotrec për largimin e mjeteve, si dhe do të aplikohen gjobat.
