Në vitin 1992, 31 familje, me vendim të Bashkisë Shkodër janë vendosur në godinën e ish-shkollës së rezervave të ndërtimit.Ne vitin 2020 me zyrën private të përmbarimit u përplasën banorët me pretendimin se personi që deklaron se është pronari i tokës, ka dokumentet fallso dhe që atëherë çështja e 31 familjeve në lagjen “Skenderbeg” në Shkodër, po zvarritet nëpër dyert e institucioneve.
Mbrëmjen e së Hënës, banorët protestuan përpara komisariatit të policisë, pasi pretendojnë se personi në fjalë po dhunon banesat e tyre.Banorët kanë arritur të filmojnë Gjon Shkamin, personin që thotë se është pronari i godinës, teksa futet në shtëpitë e tyre pa leje.Banorët thonë se prona është akoma shtetërore dhe dokumentet janë falsifikuar duke vijuar të jenë kështu ende në konflikt dhe pa zgjidhje.
