Fluks i lartë lëvizjesh së automjeteve po regjistrohen gjatë këtij sezoni turistik në aksin rrugor Shkodër-Velipojë.
I rikonstruktuar rreth tre vite më parë megjithëse ka shkurtuar shumë distancën për në plazhin e Velipojës duke ndihmuar turizmin, ky segment rrugor po shfaq edhe problematika të shumta.
Heqja e barrierave anësore të rrugës në mënyrë të paligjshme nga banorët e zonës ku kalon kjo rrugë, janë kthyer në rrezik të lartë për automjetet.
Problem mbetet edhe levizja e kafshëve në aksin kryesor, të cilat shpesh herë bëhen pengesë për bllokimin e qarkullimit. Ndërkohë banorët e fshatit Berdicë e kanë ngritur si shqetësim prej kohësh se elementët e sigurisë që i mungojnë kësaj rruge janë mungesa e një nënkalimi dhe e ndriçimit gjatë natës. Ndërsa problem vijon të jetë edhe shpejtësia e automjeteve tej normave të lejuara të cilët janë bërë shkaktarë të shumë aksidenteve ku më i fundit u regjistrua pak ditë më parë pranë fshatit Dajç ku makina përfundoi në kanalin anësor të rrugës .
Fatmirësisht nga ky aksident nuk pati dëme në njerëz.
