Kanë përjetuar emocione të ndryshme, kanë marrë pjesë në eskursione dhe aktivitete, e sot po i kujtojnë në koridoret e shkollës. Gentiana Perbibaj dhe Giovani Xhanxhafili janë 2 maturantë ekselentë të gjimnazit “Jordan Misja”.
Jo vetëm nxënës të shkëlqyer, por edhe investues të së ardhmes në vendlindje. Të rinjtë synojnë që studimet ti kryejnë në Shkodër dhe Tiranë. Për bashkëmoshatarët e tyre kanë një apel, të studiojnë në vendlindje.
Këtë vit në Shkodër 34 maturantë morën medalje si ekselentë, duke vijuar traditën e mirë të arsimit. Gentiana e Giovani janë 2 prej tyre, që meritojnë inkurajim edhe nga ana e institucioneve me ndihmë financiare.
