Teksa sezoni turistik ka nis dhe vizitore te shumte shihen cdo dite ne rruget e qytetit por jo vetem, territori vijon te kete te njejtat problematika.Te dy kahet e ures se Bardhajve ne rrethina, vijojne te akumulojne inerte te shumta. Pastrimi I tyre ka patur disa aksione por asnjehere nuk sherbeu si rregull per te mos ndotur me. Asnje mase per shkelesit e ligjit dhe asnje gjobe nuk u mor.
Dëmet që ka pësuar ndër gjithë këto vite janë të mëdha dhe absolutisht me një kosto të pallogaritshme për të gjithë ne. Harresa, anashkalimi, neglizhenca apo ndonjëherë edhe abuzimi kanë bërë që lumi Kir të tretet gradualisht pa e kuptuar. Mbeturinat çdo ditë ndotin në një sasi të konsiderueshme lumin Kir. Janë edhe vetë qytetarët e pandërgjegjshëm të cilët zgjedhin lumin për të hedhur mbeturinat. Gjithsesi ndëshkimi nga ana e institucioneve ka munguar qoftë për mospastrimin e territorit por edhe për ata qytetarë që hedhin mbetjet në lumin Kiri.
Përveç mbeturinave ka edhe një sasi të madhe të materialeve inerte duke qenë se është një zonë ku përreth saj ndërtohen objekte ditë pas dite. Jo rrallë herë vetë banorët duke mos patur zgjidhje tjetër ndezin zjarre për të djegur mbeturinat duke rritur ndjeshëm dëmin mjedisor. Me mijëravë turistë të huaj gjatë sezonit turistik kalojnë në atë segment dhe përballen me shkatërrimin, mbeturinat dhe katastrofën e lumit Kir si shkak i harresës dhe dëmeve që i janë shkaktuar gjatë këtyre 30 viteve.Dora e njeriut dhe rikthimi I rregullit eshte emergjent per brogjet e lumit Kir.
