Jori dhe Noizy u panë së fundmi bashkë në një jaht nga ku postuan edhe foto. Më pas dyshja u shfaqën krah njëri-tjetrit në një video në Tiktok.
Modelja i vendosi pikat mbi ‘i’ dhe për raportin e shumëpërfolur me reperim e ftuar në “Top Albania Radio”. Ajo tha se është pjesë e projektit më të ri të artistit ku do të shfaqet në videoklipin e tij.
“Ishte një bashkëpunim për videoklip. Kam qenë pjesë e videoklipit të Noizyt, kisha 3 ditë xhirime, filluam në Palasë, në Vlorë dhe në fund ishin tek Currilat.
Erdhi kërkesa në Instagram, fola me regjisorin, nuk e njihja më parë Noizyn. Më shkruajti që do i pëlqente të isha pjesë e videoklipit. Ideja ishte shumë e bukur.
Mes meje dhe Noizyt nuk ka ndodhur asgjë përveç këtij bashkëpunimi. Noizy dhe ekipi i tij kanë qenë shumë profesionalë, jemi kënaqur shumë.
Është njeri shumë i mirë, i zgjuar, më jep këshilla interesante për punë por nuk ka asgjë më tepër se kaq. Kam shumë pak ditë që e njoh.”, tha Jori.
