Linguine me karkaleca, kungull dhe shafran

Përbërësit:
350 g makarona linguine
300 g kungull i freskët
1 qepë
1 pako shafran
200 ml pana
1 tufë majdanoz
200 ml lëng peshku
1 gotë verë e bardhë
2 lugë vaj ulliri
Piper
300 g karkaleca
Përgatitja:
Hidhni në tigan qepën e grirë imët me disa lugë vaj ulliri ekstra të virgjër. Kur qepa të jetë zbutur, shtoni karkalecat (edhe të ngrirë). Skuqini pak dhe shtoni verën e bardhë. Pasi vera të ketë avulluar, shtoni kungujt e prerë në formë rrethore dhe shafranin (të tretur më parë në pak lëng peshku). Shtoni pak kripë dhe kur kungujt të jenë skuqur lehtë, shtoni lëngun e peshkut duke e përzier në mënyrë që të mos krijohen kokrra. Pak para se të fikni sobën shtoni panën dhe majdanozin e grirë imët. Ndërkohë zieni makaronat dhe kur të jenë gati, kullojini dhe bashkojani salcës së përgatitur. Shtoni piper sipas dëshirës. Për të zbukuruar pjatën mund të përdorni një fetë të hollë kungulli të njomë të mbështjellë me një degëz majdanoz. Nëse keni karkaleca të freskët, pasi t’i keni pastruar, guaskën dhe kokën mund ta përdorni për të përgatitur lëngun e peshkut. Në këtë rast, hidhini të gjitha në ujë dhe ziejini me erëza dhe perime. Pëpara se ta përdorni kullojeni mirë.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...