Gerta Gixhari dhe Ronaldo Sharka janë përplasur me njëri-tjetrin në “Fun Club”, ku ky i fundit e ka akuzuar gazetaren se ka shfrytëzuar të motrën, për të marrë famë, madje nuk e percepton dot që gjithë këto muaj nuk e ka mbështetur asnjëherë Oltën, edhe kur shumë njerëz i kishte kundër.
Gerta është shprehur se Ronaldo është si fëmija e saj dhe i kërkon që të rritet.
Ronaldo Sharka: Tani unë një pyetje shumë të sinqertë kisha për zonjën, për Gertën. Ti je këtu si motra e Oltës, fanse e Luizit, fanse e Deas, se s’po e marr vesh.
Megi Pojani: Është gazetare dhe ndjek “Big Brother”.
Ronaldo Sharka: Moj zemra ime, ke dy muaj që del nëpër studiot televizive dhe nuk dole një moment për motrën tënde kur po e kryqëzonte gjithë Shqipëria, tregove një anë tjetër të Oltës.
Gerta Gixhari: Çfarë thua mo, çfarë po shpif?
Ronaldo Sharka: Del këtu dhe shfrytëzon lojën e motrës tënde në “Big Brother” vetëm për tu bërë e famshme dhe mua nuk ma percepton dot truri s’i të kam ty përballë në atë kolltuk të kuq dhe jep opinione për “Big Brother”. Dëshpërimi për famë është i tmerrshëm dhe dëshpërimi për famë në këtë moshë që ke ti, është i tmerrshëm.
Gerta Gixhari: A e di që je fëmija im o Ronaldo, rritu një çikë! Mos e zgjat me mua fare. Çfarë halli ke me mua o çun që e kthen në personale, çfarë ke, thuaje një herë e përgjithmonë se në çdo studio, mban këtë referatë gjatë gjithë kohës.
Ronaldo Sharka: Nuk është personale, thjesht është kurioziteti im për hipokrizinë tënde që del lart e poshtë nëpër ekrane dhe shfrytëzon motrën tënde që nuk ke thënë një fjalë të mirë.
